ATYRAÝ. 6 mamyr. Atyraýdaǵy Ǵ.Slanov atyndaǵy oblystyq ǵylymı-ámbebap kitaphanada Saraıshyq týraly jańa kitaptyń tusaýy kesildi. Bul týraly egemen.kz tilshisi habarlady.
Qazaqstan Jazýshylar jáne Jýrnalıster odaqtarynyń múshesi, «Qazaqstan-Zaman» gazetiniń bas redaktory Ertaı Aıǵalıulynyń «Saraıshyq hanshasy jáne Ivan Groznyı» atty kitaby «Taımas» baspa úıinen 1000 danamen jaryq kórgen.
Tusaýkeser barysynda kitap avtory jınalǵandardyń kóptegen suraqtaryna jaýap berdi.
«Saraıshyq hanshasy jáne Ivan Groznyı» qos jelili tarıhı romanymda tarıhymyzdyń tereń qoınaýynda qalǵan Saraıshyq qalasynyń sol kezdegi (IH-HVI ǵasyrlarda) ómir tynysy, tirshiligi, órkendeý, gúldený dáýiri jáne kúıreýi ańyzdyq mıfologııalyq keıipker Aqqý hansha jáne basqa da tarıhı tulǵalar arqyly shynaıy sýretteledi. 1581 jyly álemdegi eń sulý qalalardyń biri, Noǵaı ordasy men Qazaq handyǵynyń astanasy bolǵan Saraıshyqty orys patshasy Ivan Groznyı qırattyrady. Beıbit qalanyń turǵyndaryn baılyǵyn tonaıdy. Qosarly jelide Aıagúl bastaǵan balalar qalanyń tarıhyn zertteıdi jáne óli qalanyń Jaıyq ózenine jutylyp ketpeýi úshin kúres júrgizedi. Romannyń tartysty da, shytyrman oqıǵalary jas oqyrmandardy ǵana qyzyqtyrmaıdy, tarıhı-tanymdyq turǵyda aıtylǵan máseleler aǵa býynnyń da nazaryn aýdarary sózsiz», -dedi E.Aıǵalıuly.
Joldasbek Shópeǵul.
Derekkóz: egemen.kz.
Foto: egemen.kz.