AQTAÝ. 6 mamyr. Kaspıı teńizinde zańsyz balyq aýlaǵan brakonerler ustaldy. Bul týraly «Jaǵalaý kúzeti» óńirlik basqarmasynyń teńiz shekara bólimshesi deregine súıengen egemen.kz tilshisi habarlady.
Teńiz shekarashylary ustaǵan 12 brakonerdiń barlyǵy da Qazaqstan azamattary bolyp shyqty.
О́z jaýyngerlik mindetterine saı brakonerlik qyzmettiń jolyn kesý, sý resýrstaryn qorǵaý jáne «Bekire-2014» keń aýqymdy balyq qorǵaý aksııasy aıasynda teńiz shekarashylary motormen jaraqtandyrylǵan «Kazanka» tıpti 4 qaıyq tárkilegen. Sondaı-aq, 6 750 dana 29 000 metr aý men 13 500 metr qarmaq tapqan. Al olardan alynǵan 306 bekireniń 26-si tiri, qalǵan 280-i óli kúıde bolǵan.Bulardan basqa bir sentnerge tarta balyq pen 18 óli ıtbalyq ta tárkilenipti.
Faktimen qazir quqyq qorǵaý oryndary aınalysýda, qylmystyq oqıǵa boıynsha jaýaptylar jazaǵa tartylady dep kútilýde.
Gúlaıym Shyntemirqyzy.
Derekkóz: egemen.kz.
Foto: life24.kz.