PAVLODAR. 6 mamyr. Pavlodar oblysynyń ákimi Qanat Bozymbaevtyń buıryǵymen Oljas Sharapıdenov oblystyq qarjy basqarmasynyń basshysy bolyp taǵaıyndaldy. Bul týraly oblys ákiminiń baspasóz qyzmeti habarlady.
O.Sharapıdenov 1980 jyly týǵan. Bilimi joǵary. Eńbek jolyn Pavlodar oblysynyń oblystyq basqarmalarynan bastaǵan. Ortalyq memlekettik organdarda qarjy salasynda eńbektengen. 10 jyldan astam ýaqyt boıy Kólik jáne kommýnıkasııa, Ekonomıka jáne bıýdjetti josparlaý, Ádilet mınıstrlikterinde qyzmet atqarǵan.
Oblys basshysy qarjy basqarmasynyń jańa jetekshisine birqatar mindet júktedi. Olardyń arasynda bıýdjettiń ıgerilý deńgeıin kóterý, jekeshelendirý men memlekettik satyp alýlar boıynsha jumystardy tıimdi uıymdastyrý bar.
Murat Aıtqoja.
Derekkóz: Pavlodar oblysy ákiminiń baspasóz qyzmeti.
Foto: keden.kz.