Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın men «Roskosmos» memlekettik korporasııasynyń bas dırektory Iýrıı Borısov Baıqońyr ǵarysh aılaǵynda kezdesti, dep habarlaıdy Egemen.kz Sıfrlyq damý, ınnovasııalar jáne aeroǵarysh ónerkásibi mınıstrliginiń baspasóz qyzmetine silteme jasap.
QR SDIAО́M basshysy Roskosmostyń jańa basshysyn osy qyzmetke taǵaıyndalýymen jáne bortynda 17 ǵarysh qurylǵysy bar «Soıýz-2.1b» zymyranynyń sátti ushyrylýymen quttyqtady.
Kezdesý barysynda qos tarap «Báıterek» jobasyn júzege asyrý máselesin talqylap, alǵashqy ushyrylym synaǵynyń merzimin 2024 jylǵa shegerý qajettigin aıtty.
Kezdesýge QR Prezıdentiniń «Baıqońyr» keshenindegi arnaıy ókili Qaırat Nurtaı qatysty. Taraptar Soıýz-5 zymyran-tasyǵyshy men jerústi keshenin jasaý jumystarynyń kestesin ózara sáıkestendirdi. Ǵarysh salasyndaǵy ekijaqty yntymaqtastyqty nyǵaıtý maqsatynda normatıvtik-quqyqtyq bazalardy damytý máselesi qarastyryldy.
Sondaı-aq Baǵdat Mýsın Roskosmos basshysymen Baıqońyr ǵarysh aılaǵynda týrızmdi damytý týraly sóılesip, týrısterdi keshenge ótkizý tártibin onlaın júıe arqyly jeńildetýdi usyndy.
«Sıfrlyq formatta onlaın kirý júıesin qoldaný arqyly «Baıqońyr» keshenindegi týrızmdi damytýǵa bolady», dedi Baǵdat Mýsın.