Pavlodar oblysynda qos azamattyǵy bar áıel elden shyǵaryldy, dep habarlaıdy Egemen.kz.
Sharbaqty aýdanynyń polıseıleri Qazaqstan Respýblıkasynyń zańnamasynda belgilengen merzimde shetel azamattyǵyn alý týraly habarlamaý faktisin anyqtady.
«Qazaqstan Respýblıkasynyń azamaty 57 jastaǵy áıel Reseı Federasııasynyń azamattyǵyn aldy, biraq qoldanystaǵy zańnamada belgilengen merzimde sheteldik azamattyǵyn alǵany týraly habarlamady. Shetel azamatshasyna qatysty QR ÁQBtK-niń 496-babynyń 2-bóligi boıynsha ákimshilik is jasalyp, is sotta qaraldy. Sot qaýlysymen áıeldi elden shyǵarý týraly sheshim qabyldandy», dedi Pavlodar oblysy Sharbaqty aýdanynyń polısııa bóliminiń bastyǵy Nurǵalı Omarbekov.
Polısııa bıylǵy jyly osyndaı buzýshylyqtar úshin 158 azamat ákimshilik jaýapkershilikke tartylǵanyn atap ótti.