Qyzylorda oblysynda jol apaty bolyp, eki adam qaza tapty, dep habarlaıdy Egemen.kz Polisia.kz-ke silteme jasap.
23 tamyz kúni saǵat 16:00 shamasynda Samara – Shymkent tasjolynyń Qarmaqshy aýdany, Tórebaı bı aýylynyń tusynda Volkswagen Transporter avtokóligimen qarsy baǵytta kele jatqan Audi avtokóligi soqtyǵysqan. Jol apaty saldarynan Audi avtokóliginiń eki jolaýshysy oqıǵa ornynda kóz jumyp, eki jolaýshy aýrýhanaǵa jetkizilgen.
Atalǵan fakti Qazaqstan Respýblıkasy QK-diń 345-babynyń 4-bóligimen SDTTBT-ǵa tirkelip, sotqa deıingi tergep-tekserý áreketteri júrgizilýde. Tıisti sot saraptamalary taǵaıyndaldy. Oqıǵanyń mán-jaıy anyqtalyp jatyr.
Polısııa departamenti júrgizýshilerdi jol qozǵalysy erejesin qatań saqtaýdy, belgilenbegen jyldamdyqty shamadan tys asyrmaýdy, qarsy qozǵalys jolaǵyna shyqpaýdy eskertedi.