Nur-Cultan qalasynyń ákimi Altaı Kólginov qala kásipkerlerimen kezdesti, dep habarlaıdy Egemen.kz.
Kezdesýdi «Atameken» Ulttyq kásipkerler palatasy elorda ákimdigimen birlesip uıymdastyrdy.
«Atameken» QR UKP Tóralqa tóraǵasy Raıymbek Batalovtyń aıtýynsha, bıznes ókilderi memlekettik organdar qyzmetkerleriniń aldynda kásipkerliktiń ótkir jáne ózekti máselelerin kótere alatyn, bıznestiń damýyna kedergi keltiretin ákimshilik kedergilerdi talqylaı alatyn ashyq pikirtalas alańy bıznesti qorǵaý men qoldaýdyń ekojúıesin qurýǵa yqpal etedi.
Kezdesýdiń barlyq taraptar úshin paıdaly ekenin atap ótken Raıymbek Batalov toqsanyna bir ret qana emes, osy ýaqyt arasynda jumys kezdesýlerin ótkizýdi usyndy.
Elorda ákimi Altaı Kólginov bul usynysty qoldady.
«Atameken alańynda taqyryptyq kezdesýler ótkizýdi usynamyn, toqsanyna bir ret kútýdiń qajeti joq. Toqsanyna bir ret osyndaı keńeıtilgen kezdesý ótkize alamyz. Ákimdik tarapynan biz bıznes ókilderine júıeli qoldaý kórsetetin birqatar shara qabyldadyq. Bıznesti, ásirese shaǵyn jáne orta kásipkerlikti qoldaýdyń pármendi tetikteriniń biri - «Astana ÁKK» AQ qyzmeti. Áleýmettik-kásipkerlik korporasııa kásipkerlerge bıýrokratııalyq kedergisiz jer telimderin, AEA aýmaǵynda «Astana Invest» jáne Indýstrııalyq park arqyly jeńildikti preferensııalar berýge múmkindik beredi. Bul sharalar daǵdarys kezeńinde erekshe jáne mańyzdy ról atqardy.
Sonymen qatar, túrli baǵdarlamalar boıynsha granttar men jeńildetilgen nesıeler beriledi. Máselen bıyl jańa bıznes-ıdeıalardy iske asyrý úshin 130-dan astam grant berildi, bul ótken jylmen salystyrǵanda 2 ese kóp. ShOB nysandaryna ınjenerlik jeliler júrgizý túrinde qoldaý kórsetemiz, bıznes shyǵyndaryn azaıtý jáne qoldaý úshin qajetti ınfraqurylym jasaımyz. Búginde «iQala» Qalalyq qyzmetter ortalyǵy, ınvestorlarǵa arnalǵan «Astana Invest» front-keńsesi jáne t.b. tabysty jumys istep jatyr», dep atap ótti Nur-Sultan qalasynyń ákimi Altaı Kólginov.
О́z kezeginde Raıymbek Batalov mundaı alańdardyń bıznes úshin mańyzdy ekenin atap ótti.
«Palata Advokattar alqasy men zań qoǵamdastyǵy arqyly, kásipkerlerdiń tikeleı ótinishteri arqyly óńirler boıynsha bıznestiń túıtkildi máseleleriniń jalpy kórinisin qalyptastyrady. Mundaı alańdar bıznes úshin óte mańyzdy, óıtkeni olar máselelerdi sheshim qabyldaýshy tulǵalar deńgeıinde jarııalap qana qoımaı, sonymen qatar bul máselelerdiń ákimniń, prokýrordyń jáne memlekettik organdardyń baqylaýǵa alynǵanyna kóz jetkizýge múmkindik beredi. Ashyq aıyptaýda kimniń durys ekendigi jáne týyndaǵan jaǵdaılarǵa kim kináli ekendigi aıqyn bolady. Mundaı ashyq dıalog bıznesti de, memlekettik organdardy da tártipke keltiredi», dep atap ótti Raıymbek Batalov.
Elordalyq bıznesmender erkin mıkrofon formatynda jer qatynastary, qurylys jáne qalany abattandyrý, jobalardy qarjylandyrý, áleýmettik jáne bilim berý salalarynda úlken qyzyǵýshylyq týdyratyn máselelerdi aıta aldy.