QR Oqý-aǵartý mınıstri Ashat Aımaǵambetov elimizdegi ortasha jalaqy 312 myń teńge, al mektepterdegi muǵalimderdiń ortasha jalaqysy 343 myń teńgeni quraıtynyn aıtty, dep habarlaıdy Egemen.kz.
«Biz jalaqy boıynsha 2019 jylǵy statıstıka men 2022 jyldyń ekinshi toqsanyndaǵy statıstıkany salystyrdyq. 2019 jyly elimizdegi ortasha jalaqy 168 myń teńge bolsa, orta bilim deńgeıi boıynsha ortasha jalaqymyz 115 myń teńgeni qurady. Iаǵnı, eldegi ortasha jalaqydan áldeqaıda tómen. 2022 jyldyń ekinshi toqsanynda elimizdegi ortasha jalaqy 312 myń teńge bolsa, orta bilim deńgeıi boıynsha ortasha jalaqy 343 myń teńgege jetti. Demek, ortasha jalaqydan sál joǵary. Bul – Prezıdenttiń alǵa qoıǵan tapsyrmasy», dedi Ashat Aımaǵambetov Almaty bilim forýmy barysynda.
Mınıstrdiń aıtýynsha, 2023 jyldyń qańtarynan bastap muǵalimderdiń eńbekaqysy taǵy 25%-ǵa ósedi.
«Jalpy alǵanda oqytýshynyń mártebesin kóterý jáne olar úshin ádetten tys fýnksııalarǵa tartpaý, jaýapkershilikti azaıtý, jalaqyny kóterý, JOO-lardyń akademııalyq erkindigimen jáne pedagogıkalyq mamandyqtar boıynsha bitirýshilerdi attestattaý júıesimen qatar, is-sharalar kesheni, bizge qajetti nátıje beredi. Men bolashaqqa jáne áriptesterimizdi mektepterge jumysqa tartý múmkindigine senimmen qaraımyn», dedi mınıstr.