«Výelta» kópkúndiginiń besinshi kezeńi aıaqtaldy. О́kinishke qaraı, «Astananyń» veloshabandozdary kóńil kónshiterlik nátıje kórsete almaı keledi.
Ispanııanyń soltústigindegi Irýn men Bılbao qalalaryn jalǵastyratyn 187 shaqyrymdyq qashyqtyqta Vadım Pronskıı segizinshi oryndy ıelendi. Jerlesimiz birinshi oryndy oljalaǵan ıspanııalyq Mark Solerden (UAE Team Emirates) biraz qalyp qoıdy. Ekinshi jáne úshinshi oryndardy OAR-dyń ókili Derıl Impı (Israel - Premier Tech) men ulybrıtanııalyq Fred Raıt (Bahrain – Victorious) enshiledi.
Jalpy esepte Parıjde irgetasy qalanǵan Groupama – FDJ klýby sapynda óner kórsetip júrgen 32 jastaǵy Rýdı Molar kósh bastady. Fred Raıt ekinshi orynǵa kóterilse, Germanııanyń Team DSM komandasynyń jeıdesin kıgen nemis sportshysy Nıklas Arndt úzdik úshtikti túıindep tur. Al «Astananyń» kóshbasshysy Mıgel Anhel Lopes 32-satyǵa taban tiredi.