Qazaqstan tennıs federasııasy habarlaǵandaı, elimizdiń birinshi, álemniń 47-shi raketkasy Aleksandr Býblık alǵashqy aınalymda dúnıejúzilik reıtıngte 71-shi orynda turǵan fransııalyq Ýgo Gastonmen kezdesedi, dep habarlaıdy Egemen.kz.
Al áıelder arasynda Qazaqstannyń birinshi, álemniń 25-shi raketkasy, Ýımbldon chempıony Elena Rybakına irikteý saıystary jeńimpazdarynyń birimen jasyl kortqa shyǵady.
39-shy satydaǵy Iýlııa Pýtınseva álemniń 24-shi raketkasy, amerıkalyq Amanda Anısımovadan ótýge tyrysyp kóredi.
Sondaı-aq Anna Danılına, Andreı Golýbev jáne Aleksandr Nedovesov juptyq synda jarysqa qatysady. Olardyń qarsylastary keıin anyqtalady.
Aıta ketsek, US Open dodasy 29 tamyz-10 qyrkúıek aralyǵynda ótedi.