Pavlodar oblysynda saýnaǵa túsken 5 bala men 4 eresek adam sýdaǵy hlordan ýlanyp, aýrýhanaǵa jatqyzyldy, dep habarlaıdy Egemen.kz
Bul týraly óńirlik tótenshe jaǵdaılar jónindegi departamentten habarlandy. 24 tamyz kúni Aqsý qalasyndaǵy saýnada úsh otbasy jınalyp, týǵan kúnin atap ótken. Merekege jınalǵandar basseınge shomylyp, ondaǵy shamadan tys hlordan ýlanyp qalǵan. Toǵyz adamǵa, onyń ishinde bes balaǵa medısınalyq kómek qajet bolypty.
Dárigerler teksergennen keıin úsh jasóspirim aýrýhanaǵa jatqyzyldy. Olardyń biri - 3-synyp oqýshysy, ekinshisi - 1-synyp oqýshysy, al úshinshisi - 14 jastaǵy Germanııa azamaty.
- Balalar jeńil ýlanǵan. Zardap shekkenderdiń jaǵdaıy turaqty, olar aýrýhanadan shyǵýǵa daıyndalyp jatyr, - dep málimdedi departamentte.
Sondaı-aq bes jasar qyz bala men tórt eresek adam jeńil dárejede ýlanǵan. Taǵy bir 9 jasar qyzdyń kóziniń aınalasyn kúıik shalǵan.