QR Prezıdenti Is basqarmasy Medısınalyq ortalyǵynyń basshysy Sáýle Qısyqova Memleket basshysy joldaýda Densaýlyq saqtaý máselelerine erekshe nazar aýdarǵanyn atap ótti, dep habarlaıdy Egemen.kz.
«Memleket Basshysy Qasym-Jomart Toqaevtyń búgingi Qazaqstan halqyna Joldaýyn tyńdap, mazmunynyń ózektiligin atap ótkim keledi. Joldaý barlyq qazaqstandyqtarǵa qatysty ekeni sózsiz.
Qasym-Jomart Toqaev Densaýlyq saqtaý máselelerine erekshe nazar aýdardy», dedi ol.
Prezıdent kelesi jyldan bastap aýyl turǵyndarynyń qajettilikterine baǵyttalǵan ulttyq jobany iske asyrýdy bastaý týraly sheshim qabyldanǵanyn atap ótti.
«Eki jyl ishinde qazirgi kezde medısınalyq mekemesi joq 650 aýylda medısınalyq jáne feldsherlik-akýsherlik pýnktter salynyp, tolyqtaı jabdyqtalady. Osylaısha memleket mıllıonnan asa azamatymyzdy alǵashqy medısınalyq-sanıtarııalyq kómekpen qamtamasyz etedi. Bul tórt mıllıonnan asa azamatymyz úshin medısınalyq qyzmet sapasyn arttyrady», dedi Sáýle Qısyqova.
Sonymen qatar, shalǵaı aýdandardyń turǵyndarynyń bilikti kómek alýyna múmkindik beretin telemedısına damıdy. Joldaýda densaýlyq saqtaý salasyndaǵy, medısınalyq qyzmet kórsetý sapasyn jaqsartý boıynsha naqty mindetter qoıyldy.