Búgingi Úkimet otyrysynda Álıhan Smaıylov otandyq ekonomıkanyń damýyna qurylys salasynyń yqpaly zor ekenin erekshe atap ótti, dep habarlaıdy Egemen.kz.
«Turǵyn úımen qamtamasyz etý – halyq úshin eń ózekti máseleniń biri. Degenmen sapasyz qurylys faktileri, qurylys salýshylardy tańdaý rásimderiniń ashyq bolmaýy, megapolısterde qurylystardyń tyǵyz salynýy jurtshylyqtyń oryndy narazylyǵyn týdyrýda», dedi Premer-Mınıstr.
Bul saladaǵy ahýaldy jaqsartý maqsatynda Indýstrııa jáne ınfraqurylymdyq damý mınıstrligine múddeli memlekettik organdarmen birlesip, sala mamandaryn, sáýletshilerdi, ǵylymı qaýymdastyqty tarta otyryp, Qala qurylysy kodeksiniń jobasyn ázirleý úshin jumys tobyn qurý jáne bastamalardy keńinen talqylaý tapsyryldy.