Osy jyldyń 2 qyrkúıeginde Túrkistan qalalyq soty qala ákimdiginiń ınfraqurylym jáne kommýnıkasııalar bólimi basshysynyń orynbasary Nurlan Jamankóz ben sol bólimniń bas maman-býhgalteri Saltanat Matıbaevaǵa qatysty aıyptaý úkimin shyǵardy, dep habarlaıdy Egemen.kz.
Sot úkimi boıynsha N.Jamankózge 73,8 mıllıon teńge kóleminde aıyppul salyndy, al S.Matıbaeva 7 jylǵa bas bostandyǵynan aıyryldy. Sottalǵandar memlekettik qyzmette qyzmet atqarý quqyǵynan aıyryldy.
«Aıyptalýshylar Túrkistan qalasynyń Otyrar shaǵynaýdanynda syrtqy jelilerdi tóseý boıynsha oryndalǵan jumystardyń aktilerine qol qoıǵany úshin adamdar tobynyń aldyn-ala sóz baılasýymen JShS ókilinen 1,1 mıllıon teńge somasynda para alǵany úshin kináli dep tanyldy», delingen Sybaılas jemqorlyqqa qarsy is-qımyl Agenttiginiń oblystyq departamenti taratqan habarlamada.
S.Matıbaevaǵa qatysty sot úkimniń oryndalýy QR QK 74 - babyna sáıkes, kámelet jasyna tolmaǵan balalarynyń bolýyna baılanysty 5 jylǵa deıin keıinge qaldyryldy.
Úkim zańdy kúshine engen joq.