Ankarada «Til týynyń tuǵyry - Ahmet Baıtursynov» atty ult ustazynyń týǵan kúni men Qazaqstan halqy tilderi kúnine arnalǵan konferensııa ótti, dep habarlaıdy Egemen.kz.
Atalǵan is-sharaǵa Qazaqstan Elshisi Erkebulan Sápıev, Pamýkkale ýnıversıtetiniń oqytýshysy professor, ǵylym doktory Nergıs Bıraı, Eýrazııa jazýshylar odaǵynyń tóraǵasy, ǵylym doktory Iаkýp О́meroǵlý, Ankara Hajy Baıram Velı ýnıversıtetiniń oqytýshysy professor, ǵylym doktory Gúljanat Qurmanǵalıeva-Erjılasýn, Hadjettepe ýnıversıtetiniń oqytýshysy, professor, ǵylym doktory О́zkúl Chobanoǵlý, zııaly qaýym, BAQ ókilderi jáne qazaq-túrik stýdentteri qatysty.
Elshi óz sózinde A.Baıtursynuly XX ǵasyr basyndaǵy qazaq zııalylarynyń kórnekti ókili, qazaqtyń álipbıin qoldanysqa engizip qazaq tiliniń aıasyn keńeıtkenin jáne qazaq halqynyń táýelsizdikke qol jetkizip, sol kezdegi damyǵan eldermen terezesi teń bolýy úshin júrgizgen kúresi men eńbekterine toqtalyp ótti.
G. Qurmanǵalıeva-Erjılasýn óziniń baıandamasynda Ahmet Baıtursynulynyń ómiri, ǵylymı eńbekteri, qazaq ǵylymyna qosqan orasan zor úlesi jaıynda baıandama jasady.
N. Bıraı Ahmet Baıtursynulynyń qazaq tiliniń álipbıi, onyń oqytylýy, til jónindegi pikirleri, qazaq termınologııasy jáne qazaq ádebıetiniń oqytý máseleleri týraly zerttegen ǵylymı jumystaryna keńinen toqtalyp ótti.
О́z sózinde Iа.О́meroǵlý bıylǵy «Kardesh kalemler» jýrnalynyń qyrkúıektegi arnaıy sany Ahmet Baıtursynulyna arnalyp otyrǵanyn habarlady. Jýrnalda ult ustazynyń ǵylymı muralary men maqalalary, sondaı-aq ár jyldary tabylǵan qoljazbalary men tutynǵan jádigerleriniń sýretter jarııalanǵan.
Ǵylym doktory О́. Chobanoǵlý Ahmet Baıtursynuly arab álipbıin qazaq tiline beıimdep shyǵarǵanyn jáne bul kitap sol kezdegi qazaq halqynyń aǵartý isine qosqan erekshe úlesi ekenin baıandady.
Konferensııanyń aıaǵynda Túrkııa ýnıversıtetterinde bilim alyp júrgen stýdentter men doktoranttar A. Baıtursynulynyń óleńderi men shyǵarmalaryn oqyp, kórermenderdiń ystyq yqylasyna bólendi.