QR Premer-Mınıstri Álıhan Smaıylov Úkimettiń Sıfrlyq keńsesinde ınvestısııalyq shtabtyń kezekti otyrysyn ótkizdi, onda negizgi kapıtalǵa jáne tikeleı sheteldik ınvestısııalar tartý boıynsha nysanaly ındıkatorlardy oryndaý qarqyny, sondaı-aq basqa da birqatar máseleler qaraldy, dep habarlaıdy Egemen.kz QR Úkimet basshysynyń baspasóz qyzmetine silteme jasap.
Ulttyq ekonomıka mınıstri Álibek Qýantyrov osy jyldyń 7 aıynyń qorytyndysy boıynsha negizgi kapıtalǵa salynǵan ınvestısııalar kólemi 6,9 trln teńgeni quraǵanyn habarlady. Jyljymaıtyn múlikpen operasııalar, taý-ken ónerkásibi jáne munaı óndirý, kólik jáne qoımalaý, aýyl, orman jáne balyq sharýashylyǵy, energetıka jáne óńdeý ónerkásibi sııaqty salalar boıynsha aıtarlyqtaı ósim baıqalady.
Premer-Mınıstr bıyl negizgi kapıtalǵa quıylǵan ınvestısııalar boıynsha 4,5% deńgeıinde oń dınamıka baıqalyp otyrǵanyn, bul rette 12 óńirdiń belgilengen nysanaly ındıkatorlardy oryndamaǵanyn atap ótti. Eń tómengi kórsetkishter Shymkent qalasy, Túrkistan jáne Ulytaý oblystarynda.
«Iri kompanııalar óndiriske ınvestısııa salyp, jańa jumys oryndaryn ashýǵa daıyn. Olarmen jumys istep, ınvestısııalyq kelisimsharttar jasaý, jańa jobalar boıynsha – salyq zańnamasynyń turaqtylyǵyna kepildik berý qajet. Oblystar men memlekettik organdardyń basshylyǵy ınvestısııa tartý jumystaryn kúsheıtip, bul máseleni erekshe baqylaýda ustaýy tıis», dedi Álıhan Smaıylov.
О́z kezeginde Syrtqy ister mınıstriniń orynbasary Almas Aıdarov 2022 jyldyń I toqsanynda elimizge $6,8 mlrd kóleminde tikeleı sheteldik ınvestısııa tartylǵanyn baıandady.
Osy kezeńdegi alǵashqy ınvestorlar ondyǵyna Nıderland, AQSh, Shveısarııa, Reseı, Qytaı, Ońtústik Koreıa, Belgııa, Ulybrıtanııa, Fransııa jáne Túrkııa elderi kirdi.
Investısııalyq jobalardyń jalpyulttyq pýly hımııa ónerkásibi, TMK, energetıka, kólik jáne logıstıka, tamaq ónerkásibi, týrızm, aqparattyq-kommýnıkasııalyq tehnologııalar, munaı-gaz hımııasy, aýyl sharýashylyǵy jáne t. b. salalarda 30,2 trln teńgege 797 jobany qamtıdy.
Pýl jobalaryn tolyq iske asyrý shamamen 130 myń jumys ornyn qurýǵa múmkindik beredi. 2022 jyly 24 myń jumys ornyn qura otyryp, 2,98 trln teńgege 272 jobany iske qosý josparlanǵan.
Sonymen qatar qazirgi ýaqytta sheteldik kompanııalardy Qazaqstanǵa kóshirý jumystary júrgizilip jatyr. Máselen, targetteletin 310 kompanııanyń 51-i elimizde óndiristi shoǵyrlandyrý boıynsha kelissózder júrgizýde. Olardyń ishinde Honeywell, Skoda, Youngsan, EMAG, Carlsberg, Fortescue jáne t. b.. Al Canon, Philips, Kronospan, GE Healthcare, Alstom, Haier kompanııalary jáne t. b. aldyn ala kelissózder satysynda.
Premer-Mınıstr I toqsannyń qorytyndysy boıynsha tikeleı sheteldik ınvestısııalar aǵynynyń 54%-ǵa oń dınamıkasy tirkelgenin atap ótti.
«Qazirgi kezde birqatar ınvestorlardyń elimizge óz óndiristerin kóshirý nıetimen baılanysty múmkindikter ashylýda. Mınıstrler men ákimder osy baǵytta týyndaıtyn máselelerdi jedel sheshý úshin bar kúsh-jigerin jumsasyn», dedi Álıhan Smaıylov.
Otyrysty qorytyndylaı kele, Premer-Mınıstr memlekettik organdar men ákimdikter barlyq josparlanǵan ınvestısııalyq jobalardy iske qosý boıynsha túbegeıli sharalar qabyldaýy tıis ekenin atap ótti.
«Biz ınvestısııalar boıynsha oń dınamıka bolýy úshin aldaǵy jyldarǵa berik negiz qalaýymyz kerek. Bul jumys oryndaryn qurý jáne ekonomıkamyzdy ártaraptandyrý turǵysynan óte mańyzdy. Tıisti jumystar ár óńirde júrgizilýi tıis», dep túıindedi Álıhan Smaıylov.