Jarystar kúndeligi

Eki saǵatqa jýyq ýaqytqa sozylǵan saıys 6:3, 6:2 esebimen aıaqtaldy. Bul – Skatovtyń sporttyq karerasyndaǵy eń eleýli jeńis. Olaı deýge negiz, 31 jastaǵy Pol­shanyń ókili kezinde Ýımbldon týrnıriniń jartylaı fınalynda oınap, Hopman kýbogyn jeńip alǵan. Dál osyndaı deńgeıdegi oıynshymen Tımo­feı buryn-sońdy kezdespegen edi. Bir­aq jartylaı fınal­da jerlesimizdiń joly bolmady. ATR reıtınginde 79-orynda turǵan ıspanııalyq Bernabe Sapata Mı­ral­lespen kúsh sy­nas­qan ol 2:6, 1:6 ese­bimen jeńilis tapty.

Latvııanyń asta­na­sy Rıgada má­ner­­lep syr­ǵa­naý­dan jas­óspirimderdiń Gran-prı týrnıri ót­ti.

Qysqa baǵdar­la­mada Rahat Bralın tórtinshi oryndy ıe­lengende, er­teń jer­lesimiz júldeli oryn­dardyń birin ıelenip qalýy yqtımal degen úmit paıda boldy. Sebebi qazaqstandyq sportshy úshinshi satyǵa taban tiregen japonııalyq Rıo Nakatamen birdeı upaı jıdy – 68,66. Ekinshi oryndy oljalaǵan Kúnshyǵys eliniń taǵy bir ókili Sýdoı Sýto da (69,64 upaı) alysqa uzaı qoıǵan joq edi. Al ıtalııalyq Nıkolaı Memola (83,04) jeke-dara kósh bastady. Aıtqandaı-aq, sheshýshi tusta Rahat óreli ónerimen kózge túsip, 130.72 upaı oljalady. Nátıjesinde, otandasymyz qola me­dal ıelendi. Al birinshi jáne ekinshi oryndardy Memola men Nakata oljalady.

Shveısarııanyń Sıýrıh qalasynda je­ńil atletıkadan «Gaý­har lıgasynyń» fı­nal­dyq saıysy aıaq­tal­dy.

Bul jarysta Na­dej­­da Dýbovıs­kaıa­nyń jeńis tuǵyryna kóte­rilýine jaqsy múm­kin­digi boldy. Qazaqstandyq syryqpen sekirýshi 1 metr 91 santımetrlik mejeni baǵyndyryp, tór­tinshi oryndy qanaǵat tutty. Bas júlde ýkraı­nalyq Iаroslava Mogýchıhke buıyrdy. Onyń kórsetkishi – 2 metr 03 santımetr. Al Qazaqstan qu­ramasy sapynda óner kórsetip júrgen kenııalyq legıoner Deızı Djepkemeı 3000 metrlik qa­shyq­­tyq­qa júgirýde 10-oryn­dy qanaǵat tutty.

Qazaqtyń qos kásipqoı boksshysy Ábilhan Amanqul men Bek Nurmaǵanbet 1 qa­­zanda AQSh-tyń Kom­­mers qalasynda óte­tin jarysta kúsh sy­­nasady.

Bul jigit­terdiń ekeýi de áýes­qoılar ara­synda biraz beles­terdi ba­ǵyndyrdy. Nurlan Aqúr­­pekovtiń qol astynda jattyqqan Ábilhannyń álem chempıonaty men Azııa oıyndarynyń kúmis jáne qurlyq birinshiliginiń qola júldegeri degen ataǵy bar. Orta salmaqta óner kórsetip júrgen qanda­sy­myzdyń bul kásipqoı rıngtegi ekinshi kezdesýi bolmaq. Alǵashqysyn Amanqul óz paıdasynan sheshti. Kezinde Azııa chempıony atanǵan jar­tylaı aýyr salmaqtaǵy Bek buǵan deıingi jeti jekpe-jektiń barlyǵyn da aıqyn jeńispen aıaqtady.