Fýtboldan Qazaqstan Premer-lıgasynyń 19-týry tartysty oıyndarǵa toly boldy. Eń qyzyǵy, kósh basyndaǵy «Aqtóbe» óz alańynda eń sońǵy oryndaǵy «Maqtaaraldan» utylyp qaldy.
Bul matchta aqtóbelikter alǵashqy bolyp esep ashty. 24 mınýtta Rýslan Kombolov nysanany dál kózdedi. 58 mınýtta alań ıeleriniń jartylaı qorǵaýshysy Bılıal Sebahı tarazy basyn teńestirdi – 1:1. Bul esep kezdesýdiń sońyna deıin saqtaldy. «Aqjaıyq» óz alańynda «Shahterden» 1:2 esebimen utyldy. Alǵashqy eki goldy qaraǵandylyq Roman Murtazaev pen Temýr Chogadze soqty. Oraldyqtardyń sapynan Vıtalıı Prındetanyń ǵana jaýap qaıyrýǵa shamasy jetti. «Taraz» ben «Aqsý» arasyndaǵy kezdesýde kórermender jeti goldyń kýási boldy. Tóreshi belgilegen negizgi ýaqyttyń qosymsha mınýttarynyń ózinde tarazy basy teńselip turdy. Desek te sońǵy sekýndta Damır Marattyń dál soqqysy qonaqtarǵa jeńis syılady. Esep – 3:4. «Astana» syrt alańda «Kaspııdiń» qaqpasyna jaýapsyz úsh dop saldy – 0:3. Bul goldardyń avtorlary – Abat Aıymbetov, Talǵat Kýsıapov jáne Pedrý Eýjenıo. «Tobyl» men «Atyraýdyń» básekesinde tosyn nátıje tirkeldi. Kezdesýdiń favorıti sanalǵan qostanaılyqtar óz alańynda qonaqtarǵa 0:2 esebimen ese jiberdi. Osy matchta Demır Imerı nysanany eki ret dál kózdedi.
Jarys kestesinde «Aqtóbe» áli de alda keledi.