Maqpal Jumabaı Aqparat jáne qoǵamdyq damý mınıstriniń keńesshisi bolyp taǵaıyndaldy. Bul týraly mınıstr Darhan Qydyráli óziniń Facebook-tegi paraqshasynda jazdy, dep habarlaıdy Egemen.kz.
«Búgin Almatyda zamanaýı medıa ókilderi men kreatıv jastarmen kezdestim. Túrli platformalarda shyǵarmashylyq áleýetin tanytyp júrgen jastar jan-jaqty máselelerdi ortaǵa saldy. О́te paıdaly kezdesý boldy dep oılaımyn. Aıtpaqshy, osy basqosýǵa uıytqy bolǵan Maqpal Jumabaı qaryndasym búginnen bastap Aqparat jáne qoǵamdyq damý mınıstriniń keńesshisi laýazymyna kiristi. Sáttilik tileımin!», dep jazdy ol.
Aıta keteıik, buǵan deıin Maqpal Jumabaı «Qazaqstan» RTRK» AQ Basqarma tóraıymynyń orynbasary qyzmetin atqardy.