«Qazgıdromet» RMK dúısenbige arnalǵan aýa raıy boljamyn jarııalady, dep habarlaıdy Egemen.kz.
«Elimizdiń soltústiginde, shyǵysynda jáne ońtústik-shyǵysynda ǵana sıklondyq belsendiliktiń jáne atmosferalyq fronttardyń ústemdigi saqtalady, olarmen birge jańbyr jaýady, shyǵysta, ońtústik-shyǵysta qatty jańbyr jaýyp, naızaǵaı oınaıdy. Túnde Almaty oblysynyń taýly aımaqtarynda qatty jaýyn-shashyn (jańbyr, kóktaıǵaqqa aýysady) kútiledi», delingen «Qazgıdromet» RMK habarlamasynda.
Respýblıka boıynsha jel sekýndyna 15-23 metrge deıin kúsheıedi, elimizdiń shyǵysynda, ońtústik-shyǵysynda ekpini sekýndyna 23-28 metrge deıin kúsheıedi, kúndiz Mańǵystaý oblysynda shańdy daýyl soǵady. Qazaqstan Respýblıkasynyń soltústiginde, soltústik-batysynda túnde jáne tańerteń tuman túsedi. Kúndiz Jambyl oblysynyń taýly aımaqtarynda burshaq jaýýy múmkin.
Qyzylorda, Túrkistan, Jetisý oblystarynyń basym bóliginde, ońtústiginde, shyǵys-soltústiginde, Abaı aýdanynyń ortalyǵynda, Shyǵys Qazaqstan oblysynyń soltústik-shyǵysynda, Atyraý oblysynyń batysynda, sondaı-aq Qostanaı oblysynyń ońtústiginde tótenshe órt qaýpi saqtalady.
Túnde Aqmola oblysynyń soltústik-batysynda, Soltústik Qazaqstan oblysynyń soltústik-shyǵysynda, Qostanaı, Batys Qazaqstan, Aqtóbe oblystarynyń soltústiginde 1-3 gradýs úsik túsedi.