Kelesi jyldyń kókteminde shaıbaly hokkeıden Latvııanyń Rıga jáne Fınlıandııanyń Tampere qalalarynda jalaýy jelbireıtin álem chempıonatynyń kestesi jarııalandy.
V tobynda óner kórsetetin Qazaqstan quramasy tusaýkeser kezdesýin 13 mamyrda Norvegııamen ótkizedi. Kelesi kúni Chehııamen sheberlik baıqasamyz. Odan keıin 15 mamyrda Shveısarııamen, 17 mamyrda Kanadamen, 19 mamyrda Slovakııamen, 20 mamyrda Latvııamen jáne 22 mamyrda Slovenııamen kúsh synasamyz. Al A tobynda Aýstrııa, Danııa, Fınlıandııa, Fransııa, Germanııa, Majarstan, Shvesııa jáne AQSh hokkeıshileri jarys kórigin qyzdyrady. Toptyq týrnır aıaqtalǵan soń pleı-off saıystary bastalyp, 28 mamyr kúni jeńimpazdar men júldegerler tolyqtaı anyqtalady. Sheshýshi básekeler Sýomı elinde ótedi.
Esterińizge sala keteıik, kelesi jylǵy álem chempıonaty Sankt-Peterbýrg qalasynda ótýge tıis edi. Alaıda Reseı men Ýkraına arasyndaǵy áskerı is-qımyldarǵa baılanysty Halyqaralyq shaıbaly hokkeı federasııasy (IIHF) atalǵan jarysty Latvııa men Fınlıandııada uıymdastyrýdy jón kórdi.