Fýtboldan Qazaqstannyń ulttyq quramasy 19 qarashada Abý-Dabı qalasynda Birikken Arab Ámirlikterimen (BAÁ) joldastyq kezdesý ótkizedi.
BAÁ fýtbolshylary da osal qarsylas emes. Qazirgi kezde olar FIFA reıtınginde 69-oryndy ıelenýde. Salystyrmaly túrde alsaq, bul tizimde jerlesterimiz 114-satyǵa jaıǵasty. Atalǵan memlekettiń ókilderimen bizdiń eldiń aıaqdop sheberleri úsh márte kezdesti. 1997 jyly álem chempıonatynyń irikteý týrnırinde syrt alańda 0:4 esebimen utylsaq, Almatyda ketken eseni qaıtardyq – 3:0. 2000 jyly eki komanda joldastyq kezdesý ótkizip, onda qarsylastarymyzdyń mereıi ústem bolǵan edi – 5:2.
Atalǵan komandanyń eń zor nátıjesi – Azııa kýbogynda eki ret júldegerler qatarynan kórinýi. 1996 jyly BAÁ kúmis medaldy ıelense, 2015 jyly qolaǵa qol sozdy. 1990 jyly olar Italııada ótken álem chempıonatynda baq synady.