Búgin Qazaqstanǵa memlekettik saparmen Vatıkan men Katolık shirkeýiniń basshysy, Rım Papasy Fransısk keledi. Rım Papasy Sezge tuńǵysh ret qatysady, dep habarlaıdy Egemen.kz.
Parlament Senatynyń Tóraǵasy, Álemdik jáne dástúrli dinder lıderleri Sezi Hatshylyǵynyń Basshysy Máýlen Áshimbaev mańyzdy oqıǵaǵa kimder qatysatynyn aıtty.
«Sondaı-aq Sezge Joǵarǵy ımam Ál-Azhar, Sheıh Ahmed At-Taıeb, Reseı, Izraıl, Qytaı, Úndistan, AQSh, Mońǵolııa, Eýropa, Ortalyq Azııa, Kavkaz jáne basqa elder men óńirlerden kelgen basqa da bedeldi qatysýshylardy úlken yqylaspen kútemiz», dedi Máýlen Áshimbaev óz sózinde.
Jalpy forýmǵa álemniń 50 elinen 100-ge jýyq delegasııa qatysady dep kútilýde.
«Bizdiń alańǵa qatysýshylardyń sandyq jáne eń bastysy, sapalyq quramynyń ósýi bizdiń Sezimizdiń róli artyp, halyqaralyq mártebesi nyǵaıa túskenin aıǵaqtaıdy. Osynyń bári bizdiń Sezimizdiń dinaralyq jáne órkenıetaralyq dıalogtyń ámbebap jahandyq alańyna aınalǵanyn aıtýǵa negiz beredi», dedi Sez Hatshylyǵynyń Basshysy.