18 qyrkúıekte Aýstralııanyń Výllongong qalasynda velosporttan álem chempıonatynyń shymyldyǵy túriledi. Bul jarysta Qazaqstannyń 15 sportshysy baq synaıdy.
Atalǵan jarystyń birǵasyrlyq tarıhy bar. Onyń tusaýy sonaý 1921 jyly Danııanyń astanasy – Kopengagende kesilgen. Sońǵy chempıonat byltyr Belgııanyń Flandrııa óńirinde ótip, erlerdiń saıysynda fransııalyq Jıýlıan Alafılıpp (jekelegen) pen Fılıppo Ganna (toptyq) aldyna jan salmady. Áıelder arasynda ıtalııalyq Elıza Balzamo (jekelegen) men Ellen van Deık (toptyq) dara shyqty. Aralas juptardyń jarysynda Germanııa quramasynyń mereıi ústem boldy.
Jasyl qurlyqtaǵy jarystyń elıtalyq tobynda Qazaqstannyń týy astynda Alekseı Lýsenko, Iýrıı Natarov, Vadım Pronskıı jáne Evgenıı Fedorov, anderler arasynda Nurbergen Nurlyqasym, Gleb Brýsenskıı, Andreı Remhe, Evgenıı Fedorov jáne Nıkolıa Vınokýrov óner kórsetedi. Sondaı-aq jastar saıysynda Alekseı Vaganov, Maksım Taraskın, Ilıa Karabýtov, Vıoletta Kazakova, Alına Spırına, Mılana Kotelnıkova jáne Vıktorııa Marchýk baq synaıdy.