Prezıdent Qasym-Jomart Toqaev Álemdik jáne dástúrli dinder kóshbasshylarynyń VII Sezinde álemdegi energetıkalyq daǵdarys kómirtegi beıtaraptylyǵynyń jetistikterin tómendetkenin aıtty, dep habarlaıdy Egemen.kz.
«Biz álemniń eń damymaǵan aımaqtarynda azyq-túliktiń jetispeýine tap boldyq. Sonymen qatar, álemde geosaıası teketires kúsheıip, elder arasyndaǵy qaqtyǵystar shıelenisip keledi», dedi Qasym-Jomart Toqaev.
Memleket basshysy halyqaralyq qaýipsizdiktiń aldyńǵy júıeleri bizdiń kóz aldymyzda kúırep bara jatqanyn atap ótti.
«Búginde ekstremızm men terrorızm - álemdegi kúrdeli problema bolyp qala beredi. Energetıkalyq daǵdarys kómirtegi beıtaraptylyǵynyń jetistikterin tómendetedi. Biz bul syn-qaterlerdi elemeı otyra almaımyz», dedi Qasym-Jomart Toqaev.