Qazaqstan Respýblıkasy Parlamenti Senatynyń Tóraǵasy, Álemdik jáne dástúrli dinder lıderleriniń sezi Hatshylyǵynyń Basshysy Máýlen Áshimbaev VII sezge qatysýshylarmen ekijaqty kezdesýler ótkizdi, dep habarlaıdy Egemen.kz Senattyń baspasóz qyzmetine silteme jasap.
Máýlen Áshimbaev dinder lıderlerine forýmǵa qatysyp, qoldaý kórsetkeni jáne yntymaqtastyq tanytqany úshin rızashylyǵyn bildirdi.
Volokolamsk mıtropolıti, Máskeý jáne Búkil Rýs Patrıarhynyń vıkari Antonıımen kezdesýde qazirgideı postpandemııalyq kezeńde mundaı sezdiń mańyzdylyǵy sóz boldy. Taraptar forým halyqaralyq qoǵamdastyqqa dıalog pen ózara qoldaý búginde búkil álem betpe-bet kelip otyrǵan syn-qaterlerdi tıimdi eńserýdiń jalǵyz joly ekendigin dáripteıtinin aıtty.
Reseı Federasııasy musylmandary dinı basqarmasynyń tóraǵasy, Reseı múftıleri keńesiniń tóraǵasy, múftı-sheıh Ravıl Gaınýtdınmen kezdesý barysynda óskeleń urpaqqa bilim berý jáne dinı aǵartý taqyryptaryna basa mán berildi.
Suhbattasýshylar qazirgi tańda dinı qaıratkerler, halyqaralyq uıymdar, saıasatkerler men parlamentshiler jurtshylyqtyń eń yqpaldy ókilderi retinde ekstremızmge qarsy jumystarǵa belsendi qatysýy kerektigine nazar aýdardy.
Máýlen Áshimbaev Parlamentaralyq Odaqtyń tóraǵasy Dýarte Pashekýmen kezdesý kezinde atalǵan uıymnyń Sezge alǵash ret qatysyp otyrǵanyn tilge tıek etti.
Sonymen qatar Senat Spıkeri meımandarǵa el Prezıdenti Qasym-Jomart Toqaevtyń bastamasymen Qazaqstanda iske asyrylyp jatqan saıası reformalar týraly aıtty. Sondaı-aq Máýlen Áshimbaev Memleket basshysynyń Joldaýyndaǵy basym baǵyttarǵa jáne Parlament pen máslıhattar depýtattaryn saılaý tetigin ózgertýdi kózdeıtin konstıtýsııalyq reformaǵa toqtaldy.
О́z kezeginde kezdesýge qatysýshylar Qazaqstannyń etnosaralyq jáne dinaralyq dıalogty ilgeriletýge jáne mádenı áralýandyqty qoldaýǵa arnalǵan bastamalaryn joǵary baǵalady. Dinder kóshbasshylarynyń pikirinshe, Qazaqstannyń osy saladaǵy tabysty tájirıbesi zerdelenip, talqylanyp, basqa elderge úlgi bolýǵa tıis.