Álemdik jáne dástúrli dinder kóshbasshylarynyń kelesi VIII sezi 2025 jyly elimizdiń astanasynda ótedi. Bul týraly Senat spıkeri Máýlen Áshimbaev aıtty, dep habarlaıdy Egemen.kz.
«Sezd hatshylyǵynyń otyrysynda Álemdik jáne dástúrli dinder kóshbasshylarynyń kezekti VIII sezin ótkizý merzimderi de qaraldy. Ony 2025 jyly Qazaqstan astanasynda ótkizý usynyldy. Deklarasııada tıisti usynys bar», dedi Máýlen Áshimbaev Álemdik jáne dástúrli dinder kóshbasshylarynyń VII seziniń jabylý saltanatynda.
Buǵan deıin Álemdik jáne dástúrli dinder kóshbasshylarynyń VII sezi barysynda qorytyndy deklarasııa qabyldanatyny habarlanǵan bolatyn.
Álemdik jáne dástúrli dinder lıderleriniń sezinde Anglıkan shirkeýiniń arnaıy ókili Dorkıng epıskopy Djo Beılı Ýells VII sezdiń qorytyndy qujatyn jarııalady.