Álemdik jáne dástúrli dinder kóshbasshylary elordada jańa saıabaqqa kapsýla saldy. Jańa saıabaq Esil ózeniniń boıynda salynyp, oǵan «Beıbitshilik pen kelisim» ataýy beriledi, dep habarlaıdy Egemen.kz qala ákimdiginiń baspasóz qyzmetine silteme jasap.
Aǵash otyrǵyzýǵa Qazaqstan Respýblıkasy Parlamenti Senatynyń Tóraǵasy Máýlen Áshimbaev, elorda ákimi Altaı Kólginov, Álemdik jáne dástúrli dinder kóshbasshylarynyń VII seziniń delegattary, eriktiler, qala turǵyndary jáne t.b. qatysty.
Elorda ákimdiginiń «Qalataný» ortalyǵynda atap kórsetilgendeı, jobanyń negizgi ıdeıasy - «О́mir aǵashy» monýmenti. Bul qurylym kúmbez túrinde jasalady, onyń ortasynda japyraqty aǵash - emen bar. Aǵash spıralmen jáne úılesimdi sýburqaqpen qorshalady.
Sondaı-aq «О́mir aǵashy» monýmentiniń aınalasyna Álemdik jáne dástúrli dinder kóshbasshylarynyń VII sezine qatysqan delegasııalar basshylarynyń sany boıynsha 60-tan astam japyraqty aǵashtar otyrǵyzyldy.
«Tujyrymdamalyq tabıǵı-rekreasııalyq aımaq qurý Álemdik jáne dástúrli dinder kóshbasshylarynyń 7-sezine oraılastyrylyp otyr. Park tujyrymdamasy Qazaqstandaǵy ártúrli konfessııalar men ulttar arasyndaǵy yntymaqtastyqty, dostyq pen birlikti bildiredi. Ideıaǵa sáıkes, ǵasyrlar boıy tamyry tereńde jatqan sý men ómir aǵashy jer betindegi tirshilik beınesiniń ámbebap qundylyǵyn bildiredi. Osylaısha, ınstallıasııa dinine qaramastan planetadaǵy barlyq adamdar arasyndaǵy kelisimge, beıbitshilik pen dostyqqa shaqyrý retinde áreket etedi.
Kúmbez óz kezeginde bir aspan astyndaǵy álemdi beıneleıdi. Onda 4 negizgi núkteni – Ońtústik, Soltústik, Batys, Shyǵysty bildiretin 4 kireberis aımaǵy bolady», dedi elorda ákimdiginiń «Qalataný» ortalyǵynyń basshysy Elnar Bazyken.
Kúmbez qabyrǵalarynda Dúnıeniń jaratylýyn, Qazaqstan tarıhyndaǵy oqıǵalardy kórsetetin beıneler, sondaı-aq qazirgi zamanǵa úndeý retinde elimizdiń aýmaǵynda tabylǵan áıgili ejelgi jartas sýretteri – petroglıfter salynady. Aǵashtyń aınalasyndaǵy spıral aspandy (kúmbezdi) jáne jerdi (sý betin) baılanystyrady, osylaısha álemniń qandaı názik ekendigi týraly oıdy jetkizedi.