Tulǵalardy tanytyp tur

О́ńirlik mádenıet, til­derdi damytý jáne arhıv isi basqarmasynyń bastamasymen oblys ortalyǵynyń aıaldamalary tarıhtan tábárik beretin oryndarǵa aınalýda. «Tulǵalar taǵylymy» dep atalatyn bul jobanyń maqsaty – tanymal tulǵalardy qala turǵyndaryna nasıhattaý, olardyń ómir joly men shy­ǵarmashylyǵyn tanystyrý.

– Aıaldamada qoǵamdyq kó­lik kútip turǵan adamdar belgili aqyn-jazýshylar men óner adamdarynyń shy­ǵar­mashylyǵynan, qo­ǵam qaıratkerleriniń mem­le­kettiń damýyna qosqan úle­sinen, batyrlardyń ja­saǵan erliginen azdy-kóp­ti maǵlumat ala alady. So­lardyń ishinde Oljabaı ba­tyr, Káýken Kenjetaev, Muqaǵalı Maqataev, Maǵjan Jumabaev, Qalmuqan Isabaı, Amanjol Shámkenov, Dı­han Ábilev, Qabdykárim Ydyrysov, Qamar Qasymov, Naǵymbek Nurmuhammedov, Rafıqa Nurtazına, Qazanǵap bı, General Bákirov, General Smaǵulov, Aǵaıyndy Dúı­senbınov syndy jaqynda ǵana esimderi kóshelerge berilgen tulǵalar jaıly bezendirilgen aıaldamalar da bar. Buǵan qosa bıyl 150 jyldyǵy toılanyp jatqan Alashtyń birtýar azamaty, til biliminiń atasy Ahmet Baıtursynuly men el tarıhynda eleýli oryn alǵan Shahan Mýsın, Ramazan Toqtarov, Serjan Qanapııanov sekildi iri tulǵalardyń ómir joly da qamtyldy, – deıdi basqarmanyń onomastıka jumystary jónindegi bólim basshysy Batyrbek Qaıyr.

Osylaısha oblys orta­lyǵynda uzyn sany 19 tulǵa jaıly erekshe dızaınmen keskindelgen málimetter qalanyń 40-qa jýyq aıaldamasyna japsyrylyp, shahardyń sánin arttyra tústi. Aldaǵy ýaqytta bul jumystardyń aıasy keńeıedi dep josparlanǵan.

«Qala jurty men syrttan kelgen qonaqtar úshin bul biz­diń jerlesterimiz ben ult maq­tanyshtaryn tanytýdyń bir joly deýge bolady. Bizdiń óńir ǵana emes, tutas elimizdiń rýhanııatyna, mádenıeti men ózge de salalaryna ólsheýsiz úles qosqan dańqty adamdar, tarıhı tulǵalardy kóp­shi­lik tanyp bilýi kerek. Osy tur­ǵydan alǵanda jer­les­terimizge, ásirese jas­tar men jas urpaqqa bul aıal­da­ma­­lardyń úlgi-ónegesi mol bolmaq.

Ekinshiden aqparattardyń ana tilinde berilýi tilimizdiń aıasyn keńeıtýge, ony ózge ult ókilderine úıretýde kó­megi zor bolady dep esep­teı­min. Avtobýs kútip tur­ǵan­­dar olarǵa zer salyp, ne ja­zylǵanyn zerdelep jatsa qýa­nysh qoı. О́ńirlik má­de­nıet basqarmasynyń bul ba­ǵytta áli de biraz jos­parlary bar kórinedi. Olar­dyń uqyptylyqpen, ja­ýap­­tylyqpen júzege asa be­rýine tilektespin», – deı­di Ha­lyq­aralyq «Qazaq tili» qoǵam­dyq birlestiginiń oblystaǵy fılıalynyń tór­aǵasy, «Naı­zatas» jýrna­lynyń bas redaktory Asyl Ábishev.

PAVLODAR