Qazaqstan Ulttyq Banki men Qytaı Halyq Banki Qazaqstanda ıýanmen ózara esep aıyrysýdy damytý múmkindigin qarastyratyn yntymaqtastyq týraly memorandýmǵa qol qoıdy, dep habarlaıdy Egemen.kz Ulttyq banktiń baspasóz qyzmetine silteme jasap.
Atalǵan memorandým klırıng jáne ulttyq valıýtadaǵy transshekaralyq esep aıyrysýdy damytý maqsatynda derektermen almasý máseleleri boıynsha ortalyq bankterdiń ýaǵdalastyqtaryn bekitedi.
«Memorandým jasasý – Qazaqstan men Qytaı arasynda qarjy salasyndaǵy Qazaqstan-Qytaı yntymaqtastyǵyn nyǵaıtýdaǵy jańa qadam. Ol transshekaralyq esep aıyrysýlarda ulttyq valıýtalardy neǵurlym keńinen paıdalanýǵa, sondaı-aq ózara saýda jáne ınvestısııalyq qyzmetti damytýǵa yqpal etedi», delingen habarlamada.