21 qyrkúıekte QHR Tóraǵasy, QHR Ortalyq áskerı keńesiniń Tóraǵasy Sı Szınpın Qytaı Halyq azattyq armııasy naqty urys qımyldaryna qatysýǵa daıyndalýy kerektigin aıtty, dep habarlaıdy Egemen.kz RIA Novostıge silteme jasap.
Qytaıdyń Ortalyq telearnasy habarlaǵandaı, ol Pekınde ótken Ulttyq qorǵanys jáne áskerı reforma semınaryna qatysýshylarǵa osyndaı nusqaý jiberdi. Is-sharaǵa QKP OK Saıası Bıýrosynyń músheleri qatysty.
QHR basshysy elde enigizilip jatqan reformanyń belgilengen maqsattaryn iske asyrý jónindegi jospardy qatań ustaný qajettigin málimdedi.
2015 jyly Qytaı bıligi olardyń tıimdiligin arttyrý úshin Qarýly Kúshterdi reformalaý josparlaryn jarııalaǵan edi.
QHR Tóraǵasy Sı Szınpın qajet bolǵan jaǵdaıda kez-kelgen jaýǵa qarsy tura alatyn zamanaýı armııa qurýǵa tyrysyp jatyr, onyń aıtýynsha, armııaǵa qoıylatyn eń mańyzdy talap - onyń jaýyngerlik qabileti.