Bul týraly 22 qyrkúıekte Qyrǵyzstan Qaýipsizdik keńesiniń hatshysy Marat Imanqulov málimdedi, dep habarlaıdy Egemen.kz.
«UQShU elderi arasynda týyndaıtyn barlyq máseleler beıbit jolmen sheshiletindeı ereje engizý qajet. Eger bireý máseleni kúshpen sheshýge úmittense, ony uıymnan shyǵarýdy usynamyz. UQShU-ǵa múshe bolyp, syrtqy qaýip-qaterden qorǵanýdy kútkenmen, uıymnyń ishinde qandaı da bir elmen qaqtyǵysqa tap bolǵan kezde bul ne úshin qajet? UQShU jarǵysynan bir-birine qoqan-loqqy kórsetetin bólikterdi alyp tastaý úshin qaıta qaraıtyn ýaqyt jetti», dedi Marat Imanqulov.
Onyń aıtýynsha, UQShU jarǵysynda múshe memleketter arasyndaǵy daýlardy retteýdiń eshqandaı tetikteri qarastyrylmaǵan. Sondyqtan Qyrǵyzstan tarapy basqalarǵa kúsh qoldanatyn uıymǵa múshe memleketti qatardan shyǵarýdy usynady.
«Iá, biz bul máseleni kóterdik. Birneshe ret kóterdik, taǵy da kótermekpiz. Qatysýshy memleketter arasynda týyndaıtyn máseleler beıbit jolmen sheshilýi kerek», dep naqtylady Qyrǵyzstan Qaýipsizdik keńesiniń hatshysy.