Qazaqstan Respýblıkasy Úkimetiniń qaýlysymen Jaslan Hasenuly Mádıev Qazaqstan Respýblıkasynyń sıfrlyq damý, ınnovasııalar jáne aeroǵarysh ónerkásibi birinshi vıse-mınıstri qyzmetinen bosatyldy, dep habarlaıdy Egemen.kz Premer-Mınıstriniń baspasóz qyzmetine silteme jasap.
Jaslan Mádıev 1983 jyly Almaty qalasynda dúnıege kelgen. Ál-Farabı atyndaǵy Qazaq ulttyq ýnıversıtetin, Kolýmbııa ýnıversıtetin, Massachýsets tehnologııalyq ınstıtýtyn bitirgen.
Eńbek jolyn 2004 jyly «Alıans Bank» AQ Halyqaralyq qatynastar departamentiniń Halyqaralyq qarjy ınstıtýttarymen jumys basqarmasynyń mamany bolyp bastaǵan.
2007-2018 jyldary «Qazyna» turaqty damý qory» AQ, «Samuryq-Qazyna» UÁQ» AQ, «Kazyna Capital Management» AQ, «Qazaqstannyń damý banki» AQ, «Qazaqstan temir joly» UK» AQ kompanııalarynyń qurylymdarynda jumys istedi.
2019-2020 jyldary – Qazaqstan Respýblıkasynyń ulttyq ekonomıka vıse-mınıstri.
2020-2022 jj. – QR Strategııalyq josparlaý jáne reformalar jónindegi agenttigi tóraǵasynyń orynbasary.
2022 jylǵy qańtardan bastap QR sıfrlyq damý, ınnovasııalar jáne aeroǵarysh ónerkásibi birinshi vıse-mınıstri bolyp qyzmet etti.