Syńarynan adasqan jalǵyz aqqý osydan birer kún buryn Beıimbet Maılın aýdanyna qarasty Tobyl kentiniń ortalyǵyndaǵy Táýelsizdiktiń 30 jyldyǵyna arnalǵan alleıaǵa kelip qonǵan. Jabaıy qustyń kókke kóterile almaıtynyn kórgen turǵyndar aýyl ákimine habarlapty.
– Aqqý – kıeli qus qoı. Qanaty synǵan. Bálkim, adamdardy es tutyp, kómek surap ádeıi eldi mekenge qonsa kerek. Osyndaǵy ańshy jigit ekeýmiz eki jaqtap júrip ustap, bizdiń úıdiń aýlasyna ákelip qoıdyq. Aldyna sý quıyp, bıdaı shashyp em, tábeti jaqsy eken. Biraq qanatyn emdeýge meniń shıpagerlik bilimim jetpeıdi. Onyń ústine jaraly qusqa qystap shyǵatyn jyly ári keń oryn taýyp, jaǵdaıyn jasaý kerek. Sondyqtan emshilik saýaty bar qaıyrymdy bir adam shyǵyp qalar degen úmitpen kópshilikke habarlap, kómek surap jatqan jaıym bar, – dedi aýyl ákimi Amanjol Esmaǵambetov.
Qostanaı oblysy