Qasym-Jomart Toqaev Shymkent qalasynyń jurtshylyǵymen kezdesýde qulaǵan shatyr astynan Týdy alyp shyqqandarǵa alǵys jarııalady, dep habarlaıdy Egemen.kz Prezıdenttiń baspasóz qyzmetine silteme jasap.
«Byltyr stadıonda fýtbol matchy bolyp jatqanda sport kesheniniń shatyry Týdyń tuǵyryn basyp qalǵany eldiń esinde. Sol kezde turǵyndar qaýip-qaterge qaramastan, shatyrdyń astynan Kók baıraǵymyzdy alyp shyqty. Shynaıy otanshyldyq osyndaı áreketten kórinedi», dedi Memleket basshysy.
Onyń aıtýynsha, qur sózden túk shyqpaıdy.
«Alańdarǵa shyǵyp, jalǵan uran tastap júrgenderdiń, menińshe, naǵyz Otansúıgishtikke eshqandaı qatysy joq. Qasterli týymyzdy jerge túsirmeı alyp shyqqan birneshe jigit búgin ortamyzda otyr. Olardyń Otanǵa degen adaldyǵyn jastarǵa úlgi etýimiz kerek. Osyǵan oraı, men Ábilqaıyr Dáýletov, Bekmurat Qaraev jáne Nurken Namazǵa alǵysymdy jarııalaımyn», dedi Qasym-Jomart Toqaev.