Astanada Sport jáne dene shynyqtyrý isteri agenttiginiń uıymdastyrýymen memlekettik qyzmetkerler arasynda prezıdenttik synamany tapsyrýǵa arnalǵan jarystar bastaldy. Bul týraly egemen.kz tilshisi habarlady.
Bul synnyń birinshi kezeńi 17-18 mamyr kúnderi ótse, ekinshisi 24-25 mamyrda ótedi. Sport jáne dene shynyqtyrý isteri agenttigi tóraǵasynyń orynbasary Sársen Quranbektiń aıtýynsha, oǵan 9 memlekettik organnyń jáne 5 agenttikke baǵynyshty kásiporyn, mekemelerdiń 470-ke jýyq qyzmetkeri qatysýda.
-Prezıdenttik synama tapsyrý erikti túrde ótkiziledi. Onyń basty maqsaty halyqtyń boıynda salamatty ómir saltyn qalyptastyrý, azamattardyń dene daıyndyǵyn anyqtaý,- deıdi S.Quranbek.
Osy synnyń birinshi kezeńinde 60, 100, 500, 1000, 2000, 3000 metrge júgirý, men uzyndyqqa sekirýden jarystar ótse, ekinshi kezeńde pnevmatıkalyq vıntovkadan atý, týrnıkke tartylý men júzýden saıystar ótedi.
Dastan Kenjalın.
Derekkóz: Sport jáne dene shynyqtyrý isteri agenttigi.
Foto: Sport jáne dene shynyqtyrý isteri agenttigi.