ASTANA. 20 mamyr. Shymkent munaı óńdeý zaýytyn modernızasııalaý men qaıta jóndeýge Qytaıdyń Eksport-ımport banki Qazaqstannyń damý bankine 1 mlrd. dollar kóleminde nesıe beredi. Bul týraly primeminister.kz habarlady. Habarlamada kórsetilgendeı, atalǵan nesıe jónindegi naqty kelisim Prezıdent Nursultan Nazarbaevtyń 19-21 mamyr aralyǵyndaǵy Qytaıǵa resmı sapary barysynda eki eldiń memleket basshylarynyń qatysýymen ótken kezdesýde bekitildi. Bul nesıe elimizge Shanhaı Yntymaqtastyq uıymynyń múshesi bolǵanymyz úshin jeńildetilgen túrde usynylyp otyr. Kelisimge «Báıterek» Ulttyq basqarýshy holdıngi» aksıonerlik qoǵamynyń tóraǵasy men Qytaıdyń Eksport-ımport bankiniń basshysy qol qoıdy. Sonymen qatar, Qytaı Memlekettik damý banki Shanhaı Yntymaqtastyq Uıymy bankaralyq birlestigi aıasynda elimizdegi shıkizattyq emes sektordaǵy jobalardy qarjylandyrýǵa 500 mln. dollar usynbaq. Jalpy, Qytaı qarjy ınstıtýttarymen aradaǵy qarym-qatynas 2008 jyldan bastaý alǵan. 2009 jyly Nursultan Nazarbaevtyń Qytaıǵa resmı sapary barysynda Qazaqstan Damý banki men kórshi eldiń Eksport-ımport banki arasynda energetıka salasyndaǵy jobalardy qarjylandyrýǵa baılanysty 5 mlrd. bólingen. Búginde bul qarjynyń 3,1 mlrd. dollary tolyq ıgerilse, al 500 mln. dollary aldyn ala qaıtarylǵan. Joldybaı Bazar. Derekkóz: primeminister.kz. Foto: news.nur.kz.
Shymkent munaı óńdeý zaýytyna Qytaı bankisi 1 mlrd. dollar bóledi
466 ret
kórsetildi