2022 jyldyń 29 qyrkúıeginde qabyldanǵan «Qazaqstan Respýblıkasyndaǵy merekeler týraly» zańǵa engizilgen túzetýlerge sáıkes jeltoqsan aıynda bolǵan eki mereke endi atap ótilmeıdi, dep habarlaıdy Egemen.kz.
Atap aıtqanda, Qazaqstan Respýblıkasynyń Tuńǵysh Prezıdenti kúni – 1 jeltoqsan memlekettik merekeler tizbesinen alynyp tastaldy.
Sonymen qatar bıyldan bastap Táýelsizdik kúni bir kún - 16 jeltoqsanda atap ótiledi. Zańnyń burynǵy redaksııasynda 16 jáne 17 jeltoqsan demalys kúnderi bolǵan.
Tıisinshe, Qazaqstandyqtardyń jeltoqsan aıynda demalys kúnderi de azaıyp, 1 jáne 17 jeltoqsan jumys kúnderi boldy.
Alaıda «qyzyl datalarǵa» jańa ulttyq mereke 25 qazan - Respýblıka kúni qosyldy.