Memleket basshysy Qasym-Jomart Toqaev Qazaqstan Respýblıkasy Prezıdentiniń kezekten tys saılaýyn taǵaıyndaý týraly Jarlyqqa qol qoıdy. Bıyl 20 qarasha kúni saılaý ótedi. Aldaǵy saılaý – 2019 jyldan beri qolǵa alynǵan saıası reformalardyń júıeli jalǵasy.
Birinshiden, bul jańa transformasııalyq kezeńde alǵash ótetin prezıdenttik saılaý bolmaq. Bul – onyń basty ereksheligi. Ol sonysymen mańyzdy.
Ekinshiden, bul saılaýdyń nátıjesinde depýtattardyń bastamasymen Prezıdent laýazymyn bir rettik merzimmen shekteý týraly norma iske qosylady. Ol óz kezeginde atqarýshy bıliktiń eń basty sýbekti sanalatyn prezıdent ınstıtýtynyń qyzmetin reformalaıtyn túbegeıli ózgeris. Bul jańashyldyq bılik tarmaqtary arasyndaǵy tepe-teńdikti qamtamasyz etýde sheshýshi ról atqarady.
Úshinshiden, bul saılaý eldegi transformasııalyq prosesterdiń dınamıkasyn joǵaltpaı, barlyq ózgeristerdi logıkalyq jalǵastyqpen júrgizýge múmkindik beredi.
Sondaı-aq qazir álemde geosaıası jáne geoekonomıkalyq máselelerdiń ýshyǵyp jatqany jasyryn emes. Qarama-qaıshylyqtar men qaqtyǵystar kóbeıip jatyr. Osyndaı sátte saıası júıeni tolyqtaı jańartyp, ony qaıta iske qosý Prezıdent Qasym-Jomart Toqaevtyń basty maqsaty. Sebebi biz qazirgi zamannyń barlyq syn-qaterlerine qarsy tura alatyn, tıimdi, jáne eń bastysy búkil qoǵamnyń talap-tilekteri men maqsat-múddelerine saı keletin saıası modeldi jasap shyǵýǵa jol tabamyz.
Bıylǵy saılaý 2024 jáne 2025 jyldary jańa saılaý kampanııalaryna alańdamaı, damý qarqyny men reformalar kýrsyn saqtap, áleýmettik-ekonomıkalyq ózgeristerdi qolǵa alýǵa jaǵdaı jasaıdy.
Memleket basshysy aldaǵy saılaýǵa baılanysty Qazaqstan halqyna Úndeý joldap: «Bul naýqan eldiń búkil saıası júıesin túbegeıli ózgertetin saılaý kezeńin bastap beredi. Sol arqyly ekonomıkany turaqty damytýdy, halyqtyń ál-aýqatyn arttyryp, turmys sapasyn jaqsartýdy kózdeıtin uzaq merzimdi mindetterdi júzege asyrýǵa múmkindik týady», dep atap ótti.
Amanat partııasy prezıdent Qasym-Jomart Toqaevtyń qoǵamdyq tiregi retinde memleket basshysynyń bul bastamasy men ustanǵan baǵytyna qoldaý bildirip, ony júzege asyrý jolynda aıanbaı eńbek etedi.
Prezıdentimiz saılaýdyń ishki mazmuny men ashyqtyǵy jóninde óz Úndeýinde: «Men Memleket basshysy retinde saılaý naýqany qatań túrde zańǵa sáıkes ótetinine kepildik beremin. Ony otandyq jáne sheteldik baıqaýshylardyń qatysýymen ádil ári ashyq ótkizetin bolamyz», dep málimdedi.
Qazaq eli óz tarıhı damý jolynyń jańa belesine kóterilip keledi. Aldymyzda úlken maqsat-mindetter tur. Osyndaı el ómiri úshin óte mańyzdy ári jaýapty sátte Amanat partııasy óziniń qoǵamdyq jáne saıası mıssııasyn abyroımen atqarýǵa bar kúsh-jigerin salady.
Ashat ORALOV,
Amanat partııasynyń Atqarýshy hatshysy