Osy jyldan bastap Qazaqstandyqtarda jańa mereke – 25 qazanda atap ótiletin Respýblıka kúni paıda boldy, dep habarlaıdy Egemen.kz.
«Qazaqstan Respýblıkasyndaǵy merekeler týraly» Zańǵa engizilgen ózgeristerge sáıkes Respýblıka kúni ulttyq mereke bolyp bekitildi.
Ol seısenbige keledi jáne jumys ýaqytyn utymdy paıdalaný úshin Qazaqstan Úkimeti demalys kúnin 2022 jylǵy 22 qazandaǵy senbiden 2022 jylǵy 24 qazandaǵy dúısenbige aýystyrý týraly qaýly daıyndady.
Osylaısha, Respýblıka kúnine bes kúndik jumys aptasynda qazaqstandyqtar 23, 24 jáne 25 qazanda demalady.
Alty kúndik jumys aptasynda - eki kún, 23, 25 qazanda demalady.
Qazan aıyndaǵy barlyq jumys jáne demalys kúnderi:
bes kúndik jumys aptasynda - 20 jumys kúni jáne 11 demalys kúni; alty kúndik jumys aptasynda - 25 jumys kúni jáne alty demalys kúni.22 qyrkúıekte QR Parlamenti Senatynyń jalpy otyrysynda depýtattar 25 qazan – Respýblıka kúnin memlekettik merekeler qataryna qaıtarýdy kózdeıtin kınematografııa, mádenıet jáne merekeler máseleleri boıynsha túzetýler qabyldady.
16 maýsymda Qazaqstan Prezıdenti Qasym-Jomart Toqaev Respýblıka kúnine ulttyq mereke mártebesin qaıtarýdy usyndy. Bul týraly ol ulttyq quryltaıdyń birinshi otyrysynda habarlady.