Baqyt Sultanov Eýrazııalyq ekonomıkalyq komıssııanyń Básekelestikti jáne monopolııaǵa qarsy retteý alqasynyń múshesi bolyp taǵaıyndaldy, dep habarlaıdy Egemen.kz.
Onyń quzyretine Eýrazııalyq ekonomıkalyq odaqtyń transshekaralyq naryqtaryndaǵy monopolııaǵa qarsy retteý jáne básekelestik máseleleri kiredi.
Baqyt Sultanov 2003-2006 jyldar aralyǵynda Qazaqstan Respýblıkasy Ekonomıka jáne bıýdjettik josparlaý vıse-mınıstri qyzmetin atqarǵan. 2006 - 2007 jyldary - Qazaqstan Respýblıkasy Statıstıka agenttiginiń tóraǵasy, Qarjy vıse-mınıstri, Ekonomıka jáne bıýdjettik josparlaý mınıstri.
2010-2013 jyldar aralyǵynda Prezıdenttiń kómekshisi, Qazaqstan Respýblıkasy Prezıdenti Ákimshiligi Basshysynyń orynbasary qyzmetterin atqardy.
2013-2018 jyldary Qazaqstan Respýblıkasy Premer-Mınıstriniń orynbasary, Qarjy mınıstri.
2018-2022 jyldar aralyǵynda Astana qalasynyń ákimi, Qazaqstan Respýblıkasy Saýda jáne ıntegrasııa mınıstri, Qazaqstan Respýblıkasy Premer-Mınıstriniń orynbasary – Saýda jáne ıntegrasııa mınıstri qyzmetterin atqarǵan.
15 tamyzda Baqyt Sultanov QR Premer-Mınıstriniń orynbasary – Saýda jáne ıntegrasııa mınıstri qyzmetinen bosatyldy.
14 shildede Úkimettiń keńeıtilgen otyrysynda Baqyt Sultanov qant tapshylyǵy men ony satýdaǵy dúrbeleń úshin prezıdentten sógis aldy.