QR Ǵylym jáne joǵary bilim mınıstrliginiń baspasóz qyzmeti úısiz júrgen stýdentter beınelengen vıdeo avtorlaryn nemese keıipkerlerin vedomstvoǵa júginýdi suraıdy. Qajet bolǵan jaǵdaıda mınıstrlik kómek kórsetýge daıyn ekenin habarlady, dep jazady Egemen.kz.
Eske sala ketsek, Almaty qalasynda stýdentterdi baspanamen qamtamasyz etý boıynsha jedel shtab jumys isteıdi. «Stýdentter kómek alý úshin +77786556083 nómirine júgine alady. Sonymen qatar, turǵyn úıdi zańsyz kóshirý nemese jalǵa alý qunyn arttyrý jaǵdaıynda azamattar quqyqtyq kómek alý úshin Ádilet mınıstrliginiń call-ortalyǵyna 119 (qalalyq telefon úshin) nemese Astana, Almaty qalalary úshin 58-00-58 nómiri boıynsha júgine alady», delingen habarlamada.
Sondaı-aq, Qazaqstanda bilim jáne ǵylym salasyndaǵy máseleler boıynsha biryńǵaı call-ortalyq jumys isteıdi - 1450.
Sonymen qatar, barlyq joǵary oqý oryndarynda stýdentter, olardyń ata-analary, oqytýshylar qajetti kómekke júgine alatyn qoǵamdyq qabyldaý bólmeleri de quryldy.