Bul týraly Egemen.kz Úkimettiń baspasóz qyzmetine silteme jasap habarlaıdy.
«Saýda jáne ıntegrasııa mınıstriniń buıryǵymen Qýanysh Nurlanuly Elikbaev Saýda jáne ıntegrasııa mınıstrliginiń Tehnıkalyq retteý jáne metrologııa komıtetiniń tóraǵasy bolyp taǵaıyndaldy», dep jazylǵan habarlamada.
Qýanysh Elikbaev 1988 jyly Qostanaı oblysynda dúnıege kelgen.
Qazaqstan-Brıtan tehnıkalyq ýnıversıtetin, Halyqaralyq bıznes ýnıversıtetin, S. Seıfýllın atyndaǵy Qazaq agrotehnıkalyq ýnıversıtetin, Reseı Syrtqy ister mınıstrliginiń Dıplomatııalyq akademııasyn, Reseı halyqtar dostyǵy ýnıversıtetin bitirgen.
Eńbek jolyn 2005 jyly baǵdarlamashy-júıe ákimshisi bolyp bastaǵan.
2006-2007 jyldary jeke menshik kompanııalarda jumys istedi.
2009-2012 jyldary «Munaı jáne gaz ónerkásibiniń bas dıspetcherlik basqarmasy» AQ-da («Munaı jáne gaz aqparattyq-saraptamalyq ortalyǵy») jetekshi maman, bas sarapshy, basqarma bastyǵy, Tehnıkalyq retteý departamenti dırektorynyń orynbasary bolyp jumys istedi.
2012-2014 jyldary Eýrazııalyq ekonomıkalyq komıssııada (Máskeý q.) tehnıkalyq reglamentterdi ázirleý bóliminiń konsýltanty, Tehnıkalyq retteý jáne akkredıtteý departamentiniń ádisnama bóliminiń keńesshisi bolyp jumys istedi.
2015-2016 jyldary QR Ulttyq ekonomıka mınıstrligi Halyqaralyq ekonomıkalyq ıntegrasııa departamenti bas sarapshynyń m.a., bas sarapshy, EýrAzEQ jáne Keden odaǵynyń jumys isteý máseleleri jónindegi basqarmasynyń basshysy bolyp jumys istedi.
2016 jyly QR IIDM Tehnıkalyq retteý jáne metrologııa komıtetiniń «Qazaqstan standarttaý jáne sertıfıkattaý ınstıtýty» RMK bas dırektordyń orynbasary bolyp jumys istedi.
2017-2021 jyldary Eýrazııalyq ekonomıkalyq komıssııada (Máskeý q.) ishki naryqtardyń jumys isteý departamenti dırektorynyń orynbasary.
2022 jylǵy qańtardan bastap qazirgi ýaqytqa deıin QR SIM Tehnıkalyq retteý jáne metrologııa komıteti tóraǵasynyń orynbasary boldy.