12 qazan kúni saǵat 8:20 shamasynda 102 operatoryna Atyraý qalasyndaǵy №2 mektep dırektory «saǵat 10:00-de mektepte jarylys jasaımyn» degen habarlama alǵanyn jetkizgen, dep habarlaıdy Egemen.kz.
«Habarlama boıynsha polısııa qyzmetkerleri jedel áreket etip, mektepten 800-ge jýyq oqýshy men 70 muǵalimdi evakýasııalady. Tekserý barysynda eshqandaı jarylǵysh zat anyqtalmady. Kórineý jalǵan habarlama bergen sol mekteptiń 2008 jyly týǵan oqýshysy anyqtaldy. Ol Atyraý qalalyq polısııa basqarmasyna ata-anasymen birge shaqyrtyldy», dep jazylǵan polisia.kz taratqan habarlamada.
Tergep-tekserý jumystary bastaldy.