Túrkııanyń soltústigindegi shahtada jarylys bolyp, 40 adam qaza tapty. Taǵy 11 jumysshy jaralanǵan, dep habarlaıdy Egemen.kz.
Oqys oqıǵa Bartın provınsııasynda Amasra qalasynda bolǵan.
«Habar 24» arnasy habarlaǵandaı, shahtada 110 adam jumys istegen degen boljam bar. Úıindiler astynda 15-ke jýyq adam qalǵan. Zardap shekkenderdi jaqyn mańdaǵy aýrýhanaǵa, keıbirin ushaqpen Ankara jáne Ystanbuldaǵy klınıkalarǵa jetkizdi. Oqıǵa ornynda 150-den astam qutqarýshy jáne 30-ǵa jýyq jedel járdem qyzmeti jumys istep jatyr. Túrkııa úkimetiniń tótenshe jaǵdaılar basqarmasy jarylys transformatordaǵy aqaýdan shyǵýy múmkin degen boljam jasap otyr.