Májilis otyrysynda Premer-Mınıstr Álıhan Smaıylov Reseıden kóshiriletin halyqaralyq kompanııalar týraly aıtty, dep habarlaıdy Egemen.kz.
Mınıstrdiń aıtýynsha, Qazaqstan bıligi Reseıden qonys aýdarýǵa daıyn kompanııalardyń tizimin jasaǵan.
«Olarmen Qazaqstandaǵy jumys múmkindikteri týraly aqparattandyrý boıynsha tıisti jumystar júrgizildi. Búgingi tańda olardyń 56 kompanııasy jumys isteýge, keńselerin Qazaqstanǵa kóshirýge nıet bildirdi. Qazir biz olarmen qonys aýdarý sharttary, ýaqyty men orny boıynsha aýqymdy jumys júrgizip jatyrmyz», dedi Álıhan Smaıylov.
Qazirgi tańda keıbir kompanııalar oń sheshim qabyldap, keńselerin kóshire bastaǵan. Bul Honeywell, inDriver, Fortescue, Marubeni jáne t.b. halyqaralyq kompanııalar. Toıota kompanııasymen kelissózder áli de júrip jatyr.
Sondaı-aq Premer-Mınıstr kompanııalardyń Reseı ekonomıkasynan ketý týraly sheshimi sanksııalarmen baılanysty ekenin atap ótti.