Boıjetkendi tańǵy saǵat 7:49-da jol talǵamaıtyn kólik qaǵyp ketken, dep habarlaıdy Egemen.kz.
Range Rover avtokóliginiń 37 jastaǵy júrgizýshisi E-32 kóshesimen E-15 kóshesiniń qıylysyndaǵy jaıaý júrginshiler ótkelinde kámeletke tolmaǵan jaıaý júrginshini qaǵyp ketken.
16 jastaǵy qyz baǵdarsham jumys istemeıtin belgilengen jerde joldyń júris bóligin kesip ótip bara jatqan.
Búgin atalǵan qıylystaǵy baǵdarsham dızeldi generatorlyq qurylǵynyń tehnıkalyq aqaýlary sebebinen toqtan ajyratylǵandyǵy anyqtaldy. Tekserý barysynda aqaýlar joıyldy jáne saǵat 07:55-te baǵdarsham toqqa qosyldy. Zardap shekken bala aýrýhanaǵa jatqyzyldy. Atalǵan fakti boıynsha anyqtaý júrgizilip jatyr», dep jazylǵan Polisia.kz taratqan habarlamada.