Túrkistan oblysynda múgedektigi bar balalardy atqa otyrǵyzý arqyly ońaltý ádisi «Zhas project» respýblıkalyq jobasy aıasynda paıda boldy, dep habarlaıdy Egemen.kz Azamattyq bastamalardy qoldaý ortalyǵynyń baspasóz qyzmetine silteme jasap.
Respýblıkalyq «Zhas project» jobasy jumyssyz jastar sanyn azaıtýǵa baǵyttalǵan. О́ńirde jas qazaqstandyqtardyń bastamalaryn qoldaýǵa 63 shaǵyn grant bólindi. Árbir granttyń mólsheri 1 mıllıon teńgege deıingi somany quraıdy.
«Zhas Project» jergilikti qoǵamdastyqtardyń áleýmettik máselelerin sheshýge, jastar bastamalaryn qoldaýǵa, sondaı-aq kásipkerlik ıdeıalarǵa járdemdesýge baǵyttalǵan. О́tkizilgen shaǵyn granttar konkýrsyna Túrkistan oblysynyń 18-den 29 jasqa deıingi jas turǵyndary qatyssa, osal toptardaǵy aryz túsirýshilerge erekshe basymdyq berildi. 924 ótinimniń ishinen komıssııa 63 úzdik jobany anyqtady», dedi Túrkistan oblysy boıynsha «Zhas Project» jobasynyń úılestirýshisi Ásem Madekeshova.
Uıymdastyrýshylardyń aıtýynsha, jobalardyń basym bóligi áleýmettik jaǵynan az qamtylǵan, kóp balaly otbasylarǵa, sondaı-aq múmkindigi shekteýli jandarǵa kómektesýge baǵyttalǵan.
Joba aıasynda Túrkistan oblysynda kompıýterlik kýrstar, sport seksııalary, balalarǵa arnalǵan massaj kabınetteri, túrli úıirmeler ashyldy. Sondaı-aq kondıterlik ónimderdi daıyndaýdan jáne quraq kuraýdan sheberlik synyptary ótkiziledi.
Máselen, Mádına Dúısenbekova «Ippoterapııa» jobasyn iske qosty, ol psıhıkalyq aýrýlarǵa shaldyqqan jáne tirek-qımyl apparaty zaqymdalǵan balalarǵa arnalǵan atqa salt minip júrýden sabaqtardy júrgizedi. Al Saıram aýdanynyń Aqbulaq aýylynyń turǵyny Asqarbek Mamatov taýyq jumyrtqalaryn ınkýbasııalaý jobasyn júzege asyryp jatyr.
Kentaý turǵyny Alýa Tursynhan kóp balaly otbasylarda tárbıelenip jatqan jáne jetim balalarǵa tegin taratý maqsatynda qaıta qoldanylatyn jaıalyqtar tigýdi bastady.
Al Ábdihalyq Esenov Túlkibas aýdanynyń turǵyndaryna sabyn jasaý sabaqtardy ótkizse, Áben Imanǵalı Maqtaaral aýdanyna qarasty Atakent aýylynda áleýmettik shashtaraz qyzmetin ashty.
Aıta ketsek, «Zhas Project» áleýmettik jobasy QR Aqparat jáne qoǵamdyq damý mınıstrliginiń jáne Azamattyq bastamalardy qoldaý ortalyǵynyń qoldaýymen Almaty, Qaraǵandy, Mańǵystaý, Túrkistan oblystarynda, sondaı-aq Jetisý jáne Ulytaý oblystarynda ótkiziledi. Joba aıasynda respýblıka boıynsha barlyǵy 252 bastama iske asyrylýda.