«Jasyl damý» AQ qatty turmystyq qaldyqtardy bólek jınaýdyń ınfraqurylymyn damytý jobasy aıasynda О́skemende zamanaýı suryptaý jelisi iske qosyldy. Keshenniń resmı ashylýyna Shyǵys Qazaqstan oblysynyń ákimi Danıal Ahmetov, «Jasyl damý» AQ Basqarma tóraǵasynyń orynbasary Nurjan Qabdoldanov jáne Grekııanń «Sabo» kompanııasynyń ókilderi qatysty.
Qazaqstanda alǵash ret iske qosylyp otyrǵan zamanaýı keshenniń jylyna 100 myń tonna qaldyqty suryptaıtyn múmkindigi bar. Avtomatty suryptaý jabdyǵynyń quny 2 660 000 eýrony quraıdy. 2020 jyldyń jeltoqsanynda suryptaý jelisin jetkizýge arnalǵan úshjaqty kelisimge sáıkes qurylǵylardy «Sabo» kompanııasy – ornatýshy, «О́KM Operatory» – qarjylandyrýshy jáne О́skemen qalasynyń ákimi jabdyqtardy qabyldaýshy retinde mámile jasalǵan bolatyn.
Búgingi tańda «Jasyl damý» AQ «О́KM Operatory» kezinde qolǵa alynǵan mindettemeler kezeń-kezeńimen júzege asyrylyp jatyr.
Aıta ketý kerek, turmystyq qaldyqty bólek jınaý men suryptaý júıesin engizý jobasynyń jol kartasy aıasynda О́skemen qalasyna 1 274 birlik eýro konteıner, qaldyq shyǵarýǵa arnalǵan arnaıy 6 tehnıka satyp áperilgen bolatyn.