Sınoptıkter Qazaqstannyń tórt oblysynda daýyldy eskertý jarııalady. «Qazgıdromet» RMK aqparaty boıynsha jaýyn-shashyn, jel jáne tuman kútiledi, dep habarlaıdy Egemen.kz.
Qyzylorda oblysynyń ortalyǵynda ońtústikten 15-20 m/s jel soǵady.
Soltústik Qazaqstan oblysynyń basym bóliginde jańbyr jaýady. Túnde jáne tańerteń oblystyń ońtústigi men batysynda tuman bolady. Kúndiz oblystyń ońtústiginde, shyǵysynda ekpini 15-20 m/s deıin jel soǵady.
Túnde jáne tańerteń Batys Qazaqstan oblysynyń soltústik-batysynda tuman kútiledi.
Abaı oblysynyń soltústiginde, ońtústiginde, ortalyǵynda, ońtústik-batysta 15-20 m/s deıin jel soǵyp, túnde ekpini 25 m/s deıin jetedi.
Sınoptıkterdiń boljamyna qaraǵanda, 21 qazan kúni Qazaqstannyń basym bóliginde jańbyr jaýady. Al eldiń shyǵysynda qatty jańbyr, qar, kóktaıǵaq bolady dep kútilýde. Respýblıkanyń ońtústik-shyǵysynda ǵana jaýyn-shashynsyz aýa raıy saqtalady.